FANDOM

2,055,230 Pages

StarIconGreen
LangIcon
Dduje Core Pazze

This song is by Nino D'Angelo and appears on the album A Nu Passo D' 'A Città (1997).

Comm'è calmo 'o mare
Dduje punti nire sott'o cielo nuje
Cu ll'uocchie ancora chine 'e chist'ammore ca nun ce da' tiempo
E nun ce fà guardà luntano…. Cerasè.

Comm'è calmo 'o mare
Parole stanche e forte comm'a nuje
Stanno pazzianno 'ncopp'a ddoje carezze e morene 'e paure
Pecchè te voglio accussì bene… Cerasè
Nun crescere maie, dopp'e te so sulo.

Nuje, dduje core pazze, nuje
Abbracciate a 'o stesso viento
Ca ce vatte e c'accuntenta
Nuje, figli 'e st'ammore, nuje
Ca nun tene cielo o terra
Ma può fà scuppià na guerra

Nuje, nuje nati sule pe' suffrì
Nuje, nuje prigiuniere de canzone
Nuje ca pe' forza 'amma tradì
Sempe a aspettà, sempe a capì
Nuje nun putimmo maie partì
Pe' nuje se chiudene 'e stazione.

Comm'è calmo 'o mare
E cchiù te guardo e nun me stanco 'e te
Mentre te vieste dint'a sti blue jeans si cchiù bella ancora
Nun ce sta niente accussì grande… Cerasè.

Comm'è calmo 'o mare
E stu dimane ca è gia senz'e te
Me sta aspettanno dopp'a chist'ammore ca nun me da tiempo
E tu si sempre cchiù luntana… Cerasè
Nun me scurdà maie… dopp'e te so sulo.

Nuje, dduje core pazze, nuje
Abbracciate a 'o stesso viento
Ca ce vatte e c'accuntenta
Nuje, figli 'e st'ammore, nuje
Ca nun tene cielo o terra
Ma può fà scuppià na guerra

Nuje, nuje nati sule pe' suffrì
Nuje, nuje prigiuniere de canzone
Nuje ca pe' forza 'amma tradì
Sempe a aspettà, sempe a capì
Nuje nun putimmo maie partì
Pe' nuje se chiudene 'e stazione.

External links