2,054,077 Pages


This song is by Mediæval Bæbes and appears on the album Undrentide (2000) and on the live DVD Mediæval Bæbes (2006).

Befell so in the comessing of May,
When mirry and hot is the day
Oway beth winter shours
And every feld is full of flours
And blosme breme on evry bough
Overall wexeth mirry anough,
This ich quene Dame Heurodis
Took two maidens of pris
And went in an undrentide
To play by an orchard side,
To see the floures sprede and spring
To here the fowles sing.
They set hem down all three
Under a faire impe-tree,
And wel sone this faire quene
Fell on slepe opon the grene.

The maidens durst hir nought awake
Bot lete hir ligge and rest take.
she slepe till after none,
That undrentide was all ydone
Ac as sone (as) she gan awake
She cried and lothly bere gan make;
She froted hir honden and hir feet
And cracched hir visage, it blede weet;
Hir riche robe hie all to-rett
And was reveyd out of hir wit.

The two maidens hir beside
No durst with hir no leng abide
Bot urn to the palais full right
And tolde bothe squier and knight
That her quene awede wold,
And bad hem go and hir athold.
Knightes urn and levedis also,
Damisels sexty and mo.
In they orchard to the quene hie come
And hir up in her armes nome
And brought hir to bed atte last
And held hir there fine fast
Ac ever she held in o cry
And wolde up and owy.


The Middle English text is an extract from the 14th century English narrative poem Orfeo "Sir Orpheo", an adaptation of the Orpheus myth.

External links

Community content is available under Copyright unless otherwise noted.