FANDOM

2,054,170 Pages

StarIconGreen
LangIcon
Averil

This song is by Mediæval Bæbes and appears on the album Undrentide (2000).

When the nightegale singes,
And the wodes waxen grene:
Lef and grass and blosme springes
In Averil, I wene;

(And) love is to min herte gon
With one spere so kene:
Night and day my blod it drinkes;
Min herte deth me tene.

Ich have loved all this year
That I may love namore;
Ich have siked mony sik,
Lemmon, for thin ore.

Me nis love never the ner,
And that me reweth sore.
Swete lemmon, thench on me:
Ich have loved thee yore.

Swete lemmon, I preye thee
Of love one speche.
Whil I live in world so wide
Other nulle I seche.

With thy love, my swete leof,
My bliss thou mightest eche:
A swete cos of thy mouth
Mighte be my leche.

Swete lemmon, I preye thee
Of a love-bene;
If thou me lovest, as men says,
Lemmon as I wene.

And if it thy wille be,
Thou loke that it be sene.
So muchel I thenke upon thee
That all I waxe grene.

External links

Community content is available under Copyright unless otherwise noted.