FANDOM

2,054,283 Pages

StarIconBronze
LangIcon
Min Jehann

This song is a traditional.

This song has been covered by…
Ik wull, wi weern noch kleen, Jehann
Do weer de Welt so groot
Wi seten op den Steen, Jehann
Weest noch, bi Nawers Soot
An'n Heben seil de stille Maan
Wi segen, wo he leep
Un snacken, wo de Himmel hoch
Un wo de Soot wull deep
Un wo de Soot wull deep

Weest noch, wo still dat weer, Jehann?
Dor röhr keen Blatt an'n Boom
So is dat nu nich mehr, Jehann
As höchstens noch in'n Droom
Och nee, wenn dor de Scheper sung
Alleen in't wiede Feld:
Ni wahr, Jehann? dat weer en Ton!
De eenzige op de Welt
De eenzige op de Welt

Mitünner inne Schummertied
Denn ward mi so to Moot
Denn löppt mi't langs den Rügg so hitt
As dormols bi den Soot
Denn dreih ik mi so hastig üm
As weer ik nich alleen
Doch allens, wat ik finn, Jehann
Dat is - ik stahn un ween

Credits

Music by:

Lyrics by:

External links

Community content is available under Copyright unless otherwise noted.