FANDOM

2,054,169 Pages

StarIconBronze
CertIcon
LangIcon
Moi schäänes Mannem

This song is by Joana Emetz and appears on the album Seitelange Liewesbriefe (1995).

Ma-Ma-Ma-Ma-Ma-Ma-Mannem, mei Mannem
Mei schäänes Mannem
Mannem, mei Mannem
Mei schäänes Mannem

Do laaft de Neggar in de Rhoi
Un unser Brezel schmecked foi
Doch unser allerbeschts Gebäck
Des is un bleibt de 'Mannemer Dreck'
Planke, Breit Schtroß, Luisepark
Wasserturm, Hafe-Aalag
Im Planetarium guggscht in de Mond
Un griggscht än weite Horizont
Die ganz Welt is unser Heimatland
Mer ware immer tolerant
Zu de Franke, Wallone, Hugenotte
Zu de Schnorzeborzler un de Hottedotte
Erfinder hammer ghabt en mass
Die erscht elektrisch Uhr uff de Gass
De Tüftler waremer hold
S erschtemol sin die Räder gerollt
Vum Draise Karl, vum Benze Karl
vum Lanze Heinrich iwwerall
S Fahrrad, s Audo un
De Bulldog kumme vun

Mannem, meim Mannem
Meim schääne Mannem
Mannem, meim Mannem
(Mannem)
Meim schääne Mannem

Die Benze Bertha, die war schlau
War gscheit un mutisch, halt ä Frau
Die hots gezeigt so manschem Matscho
Is ab nach Pforze, mit Karatscho
In unsrer Stadt do is was los
Uffm Amt un uff de Schtroß
Uns gibt käner so schnell was druff
Mer reiße unser Bloomaul uff
Mer sin gerescht, couraschiert un klor
Mer hawwe Herz, Geischt un Humor
Mer hawwe schääne Kersche
Un mer singe, wie die Lersche
Un a die Kunscht is gut gerate
Dehäm in de Quadrate
Der alte Kurferscht Karl-Theodor
Guckt hinner jedem Backschtää vor
Die Muse schwebt mit Diskretion
Iwwerm Theater - des hot Tradition
De Schiller hot sisch bei uns entfalt
Un a de Mozart war verknallt

In mei Mannem, mei Mannem
Mei schäänes Mannem
Mannem, mei Mannem
Mei schäänes Mannem

Mannem, mei Mannem
Du bischt un bleibscht
Mei zweetes Rom
Mannem, mei Mannem
Mei kurpälzisches Paris
Mannem, mei Mannem
Mei quadratisches New York
Mannem, mei Mannem
Mei Neckarbrigge-Florenz

Mannem, mei Mannem
(Mannem)
Mei schäänes Mannem
Mannem, mei Mannem
Mei schäänes Mannem
Mannem . . .

Credits

Written by:

Joana Emetz

External links

Community content is available under Copyright unless otherwise noted.