FANDOM

2,054,169 Pages

StarIconBronze
CertIcon
LangIcon
De Lodemandel

This song is by Joana Emetz and appears on the album Ich staune bloß (2010).

This song is a cover of "Der Überzieher" by Otto Reutter.
Watch video at YouTube
Kenne Sie dann schunn die Gschischt
Vun dem Lodemandel do
Wo sisch neilisch de Herr Ficht
Mol gekaaft hot, irgendwo?
Des gute Stück war foinschte Kaschmir-
Qualität un gar kään Bluff
De Verkäufer tut em rote:
"Gell, passe Se schää druff uff!
Unnerwegs kann viel passiere
Tun Se sisch also nät ziere!

Gewwe Se Acht uff die Pracht
Heit werd gstohle Tag un Nacht
Ganz egal, im Lokal
Hänge Se'n vor sisch hi im Saal
Gucke Se'n nor immer ao
Bleibt er an dem Hake drao -
Gucke Se weg vun dem Fleck
Is de Lodemandel weg!"

Stolz wie'n Eeschboomstorze laaft er
Fürnehm s Trottoir entlang
Kriegt en Kohldampf, n riesehafter
Un geht in ä Restaurant
Hängt sei neies gutes Stück
Hinner sisch an die Gardrobb
Dauernd geht sein Blick zurück
Er dreht jedesmol de Kopp
Unn jetz hockt er wie gebannt
Dreht sisch dauernd rum zur Wand

Isser weg? Isser do?
Ja, do hängt mein Paletot
Isser do? Isser weg?
Nä, er hängt noch uffem Fleck
Guck isch'n nor immer ao
Bleibt er an dem Hake drao -
Guck isch weg vun dem Fleck
Is de Lodemandel weg!

Un jetz kummt a glei sei Esse
Un sei Bier werd em oigschenkt
De Herr Ficht hot nät vergesse
Dass sein Mandel hinne hängt!
Doch do scheint's em vorm Diniere
Als ob alle Gäscht pardu
Gierisch uff sein Mandel stiere
Un des lost em grad kää Ruh
Jetz is Feuer unnerm Dach
Un er hält sisch schwer in Schach

Vor ihm, schwupp, steht sei Supp -
Ob isch in den Mandel schlupp?
Denkt er noch, awwer doch
Losst er'n hänge, wegem Koch
Un beim Schlucke tut's'n jucke
Dauernd gugge macht meschugge
Guckt er weg vun dem Fleck
Is de Lodemandel weg!

S kann jo sei, dursch die Bewegung
Dursch des Drehe beim Souper
Sinn sei Nerve in Erregung
Mageabwärts tut's em weh
Allaa, denkt er, un er späht
Zu der Tür wo steht 'Toilett'
Dass er sisch erleischtern dät -
Doch ohne Mandel geht er nät!
Setzt sisch hi, die Bää verschränkt
Un hot kummervoll gedenkt

Laaf isch weg in die Eck
Nemme se mir mein Mandel weg
Awwer husch, s is was im Busch
Was isch glei nimmi vertusch
Bleiw isch do, dann hallo
Sitz isch uff meim Risiko
Geh isch weg vun dem Fleck
Is mein Lodemandel weg!

Awwer jetz haww'isch Hetz
Nemm mein Mandel un isch wetz
Zu dem Raum, der mein Traum
Zwee Schritt vum Ausgang kaum
Kumm nät weit, ääner schreit:
"Guckt den Wuppdisch ao, ihr Leit!
Finger weg, der will keck
Mit dem Lodemandel weg!"
Alles schwerrt un kracht un klerrt
Bis der Wert gerufe werd
Awwer aa der Wert der errt
Packt misch an de Krutz un zerrt
S kummt en Gascht, isch lach mer'n Ascht
Greift mein Mandel voller Hascht
Un nimmt, fresch wie Gassedreck
Mir mein Lodemandel weg!

Isch renn quer dem hinnerher
Packt misch de Kellner am Revers
"Dogebliwwe!", sagt er fresch
"Zahle Sie erschtmol Ihr Zesch!"
Bis isch zahl voller Qual
Is der Dieb ausm Lokal -
Isch steh im Eck mit meim Schreck
Un de Lodemandel weg!
Bis isch näher des erklär
Drängt die Zeit, Leit des is schwer
Weil's Malheur kummt vorher -
Der Gang is nät nötisch mehr!
Mir is schwach vun dem Krach
Do hilft gar kää Weh un Ach
S hot kään Zweck, 'sch hab en Fleck
Un mein Lodemandel weg!

Credits

Written by:

Otto Reutter
Palatine-German version by Joana Emetz

External links

Community content is available under Copyright unless otherwise noted.