FANDOM

2,055,230 Pages

StarIconGreen
LangIcon
Lacreme Napulitane

This song is by Gabriella Ferri and appears on the album Sempre (1973).

Mia cara madre,
Sta pe' trasì Natale
E a stà luntano cchiù mme sape amaro!
Comme vurria allummà dduje o ttre biancale!
Comme vurria sentì 'nu zampugnaro!

A 'e ninne mieje facitele 'o presepio
E a tavula mettite 'o piatto mio!
Facite, quann'è 'a sera d' 'a Vigilia,
Comme si 'mmiez'a vvuje stesse pur'io!

E nce ne costa lacreme 'st'America
A nuje, napulitane!
Pe' nuje ca ce chiagnimmo 'o cielo 'e Napule,
Comm'è amaro 'stu ppane!

Mia cara madre,
Che sò, che sò 'e denare?
Pe' chi se chiagne 'a Patria, nun sò niente!
Mo tengo quacche dollaro e mme pare
Ca nun sò stato maje tanto pezzente.

Mme sonno tutt' 'e nnotte 'a casa mia
E d' 'e ccriature meje ne sento 'a voce,
Ma a vuje ve sonno comm'a 'na Maria
Cu 'e spade 'mpietto, comm’ 'ô figlio 'ncroce.

E nce ne costa lacreme 'st'America
A nuje, napulitane!
Pe' nuje ca ce chiagnimmo 'o cielo 'e Napule,
Comm'è amaro 'stu ppane!

External links